ఓటమి

గుండె చప్పుడుకు కర్ఫ్యూ విధించాలని

ఎర్ర సైన్యం - మనసు గోతుల్లోంచి

గొంతు లోయల్లోంచి అరుస్తోంది

ఆవేశంతో పెగలే గొంతును

ఖాకీల రూపం కోసేసింది

బిగిసిన కండకు

పిచ్చోళ్ళ అధికారం బల్లెపు పోటు పొడిచింది

ముందుకు నడిపించే గుండెని

స్వంతవాళ్ళ స్వార్ధం చిల్లులు చేసింది

ప్రతిచోటా - అన్యాయం

నా వెన్ను విరగ్గొట్టాలని చూస్తోంది

నా ఒక్కడి శక్తీ ..

స్రవిస్తూ ఇగిరిపొతోంది

అలోచనలకు మతిమరుపొస్తోంది

అలసిపోతున్నాను

ఎదురు తిరిగే చేవ చచ్చింది

అందుకే అంటున్నా -

గుండే ..! కసేపాగిపో........