.. భ్రమణం ..

గుండెలో భావాన్ని 

బయటకు తీయబొతే - 

బరువుగా ..  

రాలేదు గాని 

దాని ప్రతిరూపం, 

భాషలేని ఏదో నీటి తెరగా 

కన్రెప్పల్లొ తేలింది

ఉవాచ (వేలెంటైన్ డే కోట్)

అమ్మాయిలను

చుడడం వరకూ ఫర్వాలేదు

గాని,

చూపులు -

ఎదురు చూపులుగా

మారితేనే ప్రమాదం !!

అతడు - ఆమె

కనులు కనులను కలుస్తాయి..

మౌనంగా

మోహనంగా..!

భువిలో మాట్లాడని భాషని

మూగగా మాట్లాడుకుంటూ..,

పండిన పనసకాయలాంటి

పరిమళమేదో చుట్టుముడుతుండగ ..

వింతయై కవ్వింతగా

తమకు తెలియని భావమేదో

దాక్కునుందని

పరువపు పరదాల చాటునుంచి

హేమంత పవనాల

రాయభారం నెరపుచూ ..

భువిపై -

అనంద సామ్రాజ్యపు

నేతలిరువు ఎదురైనట్లు

గంభీరంగా..

చిలిపిగా..,

అంతలొనే తత్తరపడుచు మార్చే చూపులు -

ప్రణయ సమ్రాజ్య స్థాపనకునంది పలుకుచు ..

సమీరాల చాటుగ

కరములు కలిపి ..

స్వప్న వసంతాలు పూయగ ..

అతడు - ఆమె !!

ఓటమి

గుండె చప్పుడుకు కర్ఫ్యూ విధించాలని

ఎర్ర సైన్యం - మనసు గోతుల్లోంచి

గొంతు లోయల్లోంచి అరుస్తోంది

ఆవేశంతో పెగలే గొంతును

ఖాకీల రూపం కోసేసింది

బిగిసిన కండకు

పిచ్చోళ్ళ అధికారం బల్లెపు పోటు పొడిచింది

ముందుకు నడిపించే గుండెని

స్వంతవాళ్ళ స్వార్ధం చిల్లులు చేసింది

ప్రతిచోటా - అన్యాయం

నా వెన్ను విరగ్గొట్టాలని చూస్తోంది

నా ఒక్కడి శక్తీ ..

స్రవిస్తూ ఇగిరిపొతోంది

అలోచనలకు మతిమరుపొస్తోంది

అలసిపోతున్నాను

ఎదురు తిరిగే చేవ చచ్చింది

అందుకే అంటున్నా -

గుండే ..! కసేపాగిపో........

నువ్వక్కడున్నా ..

నువ్వు అక్కడున్నావ్

నీ జ్ఞాపకం ఇక్కడుంది -

నాలో నిలువెత్తున అల్లుకుని

ఈ పరిసరల్లో దాక్కుని

నిశ్శబ్ధంలోనూ

నిర్ణిద్రలోనూ

కలకలం రేపుతూ ..

నాలో .. నా ఆలోచనల్లో

ఇంకా .. అంతఃచేతనలో

అనంత వ్యాప్తమై -- !

(10:25pm 6/10/2003)

అర్ధనారీశ్వరుడు

<నెలకు 27 రోజులు>

.. మెరుపులు ..

పడమటి జ్ఞాపకం

కార్గిల్

ఫ్రణయం

నృత్యం

సుప్రభాతం

Someకీర్తన

వృత్తం

వాడి

శివరంజని

నిర్వచనం

స్వపర్వం

తరంగాలు

నిశ్వాస

గరిమనాభి

చుంబనం

తొలకరి జ్ఞాపకం

కృతి

చంద్రికలు

వారసత్వం (నన్ను వెంటడే కవిత, తమ్ముడికి క్షమాపనలతో)

వీడ్కోలు

స్వార్ధి

ప్రేమి

.. నువ్వే ..